تكدر تنشئ مشروعك عن طريق واتس اب الأعمال والخاصيات اللي يحتويها.

مثلًا من واجهة الاعدادات ومن خيار ادوات الأعمال اللي موجود بهذه الواجهة، راح تظهرلك عدة خيارات تكدر تستخدمها في مشروعك.

الخيارات المهمة لانشاء متجر الكتروني على واتساب الاعمال:

1. خيار الكتالوك: من تضغط على هذا الخيار راح تظهرلك واجهة تكدر من خلالها تضيف (صورة المنتج، اسمه، سعره، الوصف، رمز العنصر) بعد إتمام هذه العملية من تضغط على المنتج راح يطلع قيد المراجعة ومعناها أن واتساب الاعمال يراجع المنتجات ويتأكد من انها توافق سياسة النشر.

2. خيار رسالة الترحيب: من خلال تشغيل هذا الخيار راح تكدر تخلي اي رسالة ترحيب على واتساب الاعمال وتعدل عليها وكذلك تكدر تتحكم بالفئات اللي تستلم هذه الرسالة.

    

3. خيار الرسالة خارج أوقات العمل: من خلال هذه الخاصية تكدر تحدد الرسالة اللي توصل للزبائن خارج أوقات العمل وتكدر تحدد الوقت اللي توصل بيه هذه الرسالة وكذلك تكدر
   تحدد الفئات اللي تستلمها.

    

4. خيار الردود السريعة: تكدر من خلال هذا الخيار ان تكتب السؤال وجوابه وبهذه الطريقة أي شخص يسأل أي سؤال من الأسئلة اللي حددتها راح يتلقى الجواب اوتوماتيكيا.

    

5. خيار الاعلان على الفيسبوك: من خلال هذا الخيار راح تكدر تسوي اعلان ترويجي عن المنتجات، اضغط على “ابدأ الآن” بعدها تكدر تضيف المنتجات من الكتالوك او من جهازك وتضغط على “متابعة الى الفيسبوك” وتدخل الرمز اللي يوصلك حتى تكدر تربط واتساب الاعمال مع الفيسبوك وتكمل عملية الترويج.