شلون تحدد سعر الزبون المثالي؟
بالنسبة لكيفية تحديد سعر المنتج المثالي لازم اولًا تعرف انه ماكو سعر معين لكل المنتجات لكن حسب الزبون والمنتج ممكن تزيد وتنقص حسب اللي ترغب بيه.
يوجد طريقتين لحساب السعر:
- الطريقة السريعة: في صفحة كل منتج في التطبيق يظهرلك ربح مقترح مكتوب باللون الاخضر من قِبَل فدشي على سبيل المثال (أربح 9,000 د.ع) ممكن انك تستخدم الربح المقترح وتحدد من خلاله السعر اللي تريده.
- الطريقة الطويلة المناسبة: على التاجر ان يتعرف على هيكل التسعير والارباح واللي يشمل:
– سعر فدشي بالجملة + ربح التاجر (صافي الربح + كلفة الاستحواذ على الزبون) = سعر الزبون (بأستثناء سعر التوصيل اللي يدفعه الزبون).
– سعر فدشي بالجملة + ارباح التاجر ( صافي الربح + كلفة الاستحواذ على الزبون +كلفة التوصيل) = سعر الزبون (شامل التوصيل المجاني باستخدام خاصية السلايدر).
*كلفة الاستحواذ على الزبون هي كلفة الترويج اللي حددها التاجر على منتج او منتجات معينة وساعدت على جلب الزبائن له وتحسب بتقسيم سعر الترويج على عدد الزبائن المحتملين.
بشكل عام ممكن تحسب سعر الزبون من خلال حساب صافي الربح الك. إذا روجت عن منتج او اذا فعلت خاصية السلايدر (تحديد سعر التوصيل للزبون) فلازم أرباح المنتج تغطي مبلغ الترويج و سعر التوصيل. ممكن ايضا اذا قمت بعمل عروض للزبائن تكدر ترفع السعر الى الحد الاعلى حتى تترك مجال للمفاوضة على السعر في حال رغبة الزبون بذلك وعمل تخفيضات بحكم وجود مجال للتحكم بالسعر.
عند اختيار المنتج لعرضه في متجرك الالكتروني يجب في هذه المرحلة تحديد سعر المنتج للزبائن قبل عرضه على متجرك.
من الضروري ان تبحث على مواقع التواصل الاجتماعي وتشوف شنو السعر اللي ينباع بيه المنتج او المنتجات المماثلة له في السوق كذلك تكدر تبحث عن سعر المنتج من خلال البحث عن اسم المنتج على مكتبة الاعلانات الخاصة بـ فيسبوك وانستكرام وحتى تتاكد من السعر الملائم اتبع الخطوات التالية:
- تاكد من تاريخ نشر المنتج على باقي المتاجر.
- تتعمد بعض المتاجر بعرض منتجات بقيمة اقل وعند سؤالهم عن المنتج يذكرون نفاذ المنتج ويقومون بتسويق منتج اخر شبيه له مع سعر مختلف فعليك التاكد من مصداقية وجود المنتج عندهم بالفعل وبنفس السعر المذكور.
ملاحظات مهمة يجب ان تعرفها قبل التسعير:
- تحتاج ان تفكر بشكل ابداعي اكثر حيث ان التفاوض مع الزبون لا يعتمد فقط على سعر المنتج بل كيفية تقديمه للزبون وترغيبه بالمنتج مثل تقديم هدايا غير مُكلفة للتاجر لكنها تجذب انتباه الزبون على سبيل المثال وجود كتاب للطبخ مع فرن او وجود تطبيق جوال لمشغل الموسيقى مع السماعات (ممكن ان تكون الهدية عبارة عن نسخة الكترونية او برنامج) وهكذا.
- يمكنك كذلك الاستفادة من السياسات اللي تقدمها فدشي من خلال طرح عدة امور مثل سياسة الاستبدال والارجاع الموجودة بتطبيق فدشي بحيث من خلالها ممكن الزبون يتأكد من جودة المنتج بالإضافة إلى سياسة الضمان الموجودة على بعض المنتجات واللي تضمن حق الزبون في حال صار اي خلل بالمنتج او من خلال استخدام خاصية السلايدر وتفعيل التوصيل المجاني للزبون.
- لازم يكون عندك ثقة بالمنتج والخدمات اللي يقدمها متجرك والتواصل الطيب مع الزبون والجهد اللي تقدمه لتوفير خدمة ممتازة للزبون هو عمل بحد ذاته يستحق التسعير.
