شلون ارسل الطلب كهدية للزبون؟
أنت كتاجر وية فدشي تكدر تسوي مسابقات وعروض لزبائنك وترسل للفائزين طلب هدية الهم على حسابك الخاص او تكدر ترسل لمعارفك واصدقائك هدية من منتجات فدشي، شلون اسوي هذا الشي؟ هذه هي الخطوات اللي راح تمكنك من ارسال هدية للزبون:
لازم يتحول المبلغ بالكامل للطلب واللي يتضمن تكلفة التوصيل وأرباحك من الطلب عبر محفظة زين كاش عن طريق تطبيق زين كاش بالخطوات التالية:
- اولاً يجب فتح تطبيق زين كاش،
- ثانياً من خانة مزودي الخدمة تختار خيار التسوق الإلكتروني،
- ثالثاً لازم تختار فدشي من القائمة الظاهرة أمامك،
- رابعاً لازم تخلي سعر الطلب كامل واللي يشمل سعر الجملة + الربح وسعر التوصيل مع كلفة التحويل،
- خامساً لازم تخلي الاسم المسجل بالتطبيق للتاجر،
- سادساً وضع رقم التاجر في خانة الرقم،
- سابعاً واخيراً تضغط على ارسل ومن ثم التحقق من تفاصيل الدفع و اضغط على أكد، ولازم تاخذ صورة لنجاح عملية التحويل.
وبعدها تثبت الطلب مع وضع ملاحظة في خانة الملاحظات بداخل الطلب يتضمن كلمة “هدية” حتى نعالج الطلب كهدية.
بعدها تاجرنا كل اللي عليك تسويه هو رفع طلب لفريق خدمة التجار على تطبيق فدشي مباشرة، من نافذة حسابي تروح على خدمة التجار ثم إبلاغ عن مشكلة وتختار ارسال هدية وتحدد الطلب اللي تريد ارساله كهدية وترفق صورة عملية التحويل وتاكد إرسال الطلب.
