هي خاصية تمكنكم من الاطلاع على الاحصائيات الخاصة بتجارتكم الالكترونية مع تطبيق فدشي ومن ضمن هذه الاحصائيات: مجموع الارباح المحققة وعدد الطلبات الواصلة والمرفوضة وغيرها من الاحصائيات فتعالوا نشوف شلون نطلع على هذه الاحصائيات:

حتى تشوفون هذه الإحصائيات اول شي تروحون لقائمة (حسابي) من واجهة تطبيق فدشي وتضغطون على خيار (الاحصائيات).
وراح تظهرلكم قائمة بيها الكثير من المعلومات مثل اجمالي الارباح المحققة وإجمالي الطلبات الواصلة والمرفوضة ايضًا وراح تشوفون مجموع عدد الزبائن اللي عندكم.

وتكدرون تشوفون إحصائيات خاصة بأخر 30 يوم اللي هي الأرباح المحققة وعدد الطلبات الواصلة والمرفوضة.

وايضًا تجارنا راح تكدرون تصنفون وترتبون هذه الإحصائيات عن طريق الضغط على ايقونة التصنيف ثم اختيار التصنيف المطلوب مثل التاريخ والمدينة والفئة والمنتجات.

هذه الخاصية راح تساعدكم تدرسون مبيعاتكم حتى تعرفون شنو افضل وقت تبيعون بيه على سبيل المثال او شنو افضل منتج باع عندكم او اي منطقة جغرافية هي الاكثر طلبا عندكم وغيرها من الاحصائيات اللي راح تساعدكم ولازم تستغلوها حتى تحققون ارباح اكثر.