قائمة المنتجات وتفاصيل المنتج
- عند دخولك للتطبيق تكدر تشوف قائمة المنتجات كلها موجودة صورها واسعارها، هذه الاسعار راح تكون أسعار الجملة تكدر تشوف شكد ممكن يكون ربحك كتاجر بكل منتج
- من خلال قائمة المنتجات تكدر تحفظ المنتج بقائمة المنتجات من خلال علامة الحفظ الموجودة اسفل يسار كل صورة منتج .
- تكدر تشارك المنتج فورًاً مع الزبائن من خلال الضغط على علامة المشاركة
- عن طريق شريط البحث بقائمة المنتجات تكدر تبحث عن منتج معين
- تكدر ايضًا تبحث عن فئة معينة من المنتجات مثل فئة الأجهزة المنزلية تظهرلك فقط المنتجات التابعة لهذه الفئة
- داخل قائمة المنتجات تكدر تصفي المنتجات حسب السعر او الماركة
- تكدر كذلك ترتب قائمة المنتجات حسب سعرها من الاقل الى الاعلى والعكس عن طريق خاصية الترتيب
- عند الدخول على صفحة منتج معين هذه الصفحة تحتوي على كل التفاصيل الخاصة بالمنتج:
- راح تكدر تشوف كل الصور للمنتج
- اذا اكو اكثر من خيار للمنتج مثل ألوان مختلفة او احجام مختلفة راح تكدر تشوفها عن طريق الخيارات الموجودة تحت اسم المنتج
- بكل منتج راح تشوف اكثر من سعر: السعر الأول هو سعر الجملة وهذا هو السعر اللي فدشي يحسبه للتاجر، السعر الثاني هو سعر الزبون وهو السعر اللي التاجر يبيع بيه للزبون، يوجد نطاق لسعر الزبون و هو بين الحدين الادنى و الاعلى، اي لا يمكن اختيار سعر الزبون خارج هذا النطاق
- ببعض الأحيان اكو منتجات لها حد ادنى فقط بدون حد اعلى، للتاجر حرية اختيار أرباحه من هذه المنتجات بدون تحديده بحد أعلى
- تكدر تشوف مواصفات المنتج ومهم جدًا تاجرنا تعرف كل تفاصيل المنتج حتى تروج اله صح وتكسب ثقة الزبون
