أحيانًا نحتاج نحظر بعض التعليقات على مواقع التواصل الاجتماعي سواء كانت تعليقات بذيئة أو مضرة بصفحتنا، نكدر نسوي هذا الشي من خلال تحديد كلمات معينة، في حال استعمال أحد هذه الكلمات بالتعليق راح يتم حظره.

شلون نحظر الكلمات الغير مرغوب بيها على الفيسبوك؟

1.  من قائمة الحساب بالفيسبوك نضغط على صفحة متجرنا
2. نضغط على الاعدادات أعلى يسار الشاشة
3. نختار”عام”
4. نضغط على “الاشراف على المحتوى” بنهاية الصفحة
5. نكتب الكلمات اللي نريد نحظرها
6. نضغط حفظ التغييرات

شلون نحظر الكلمات الغير مرغوب بيها على الانستكرام؟

1. من واجهة الحساب بالانستكرام نضغط على القائمة الجانبية
2. نضغط على “الاعدادات”
3. نختار “الخصوصية”
4. نضغط على “الكلمات المخفية”
5. نضغط على “ادارة كلمات وعبارات مخصصة” أسفل الصفحة
6. نكتب الكلمات اللي نريد نحظرها
7. نضغط “تم”