هذه مجموعة نصائح تساعد تجارنا في تقليل نسبة رفض او ارجاع الزبون للمنتج عند استلام الطلب تعالوا نشوف هذه النصائح والخطوات المهمة:

• الاتصال بالزبائن بعد تثبيت الطلب خلال ساعة واحدة حتى تتأكد من رغبة الزبون بالمنتج وتخلي الزبون مطمئن انه راح يوصله هذا الطلب اللي راده.
• تثبيت الطلبات فورًا بدلاً من تأجيلها إلى منتصف الليل أو نهاية اليوم مثلا، لتجنب طلب الزبون للمنتج من متجر اخر او تغيير الزبون لرأيه.
• تجنب دفع الزبائن لتقديم طلباتهم في التعليقات حتى ما تتعرض لسرقة زبائنك من الآخرين وخلي الزبائن يتواصلون وياك عن طريق الرسائل أو الواتساب.
• طلب رقمين هاتف للزبون وهذا الشي مهم حتى إذا حصل خطأ في احد الارقام، الرقم الثاني يكون متاح للاتصال بالزبون.
• مشاركة وقت التوصيل المتوقع (1-2 يوم عمل داخل بغداد و2-4 أيام عمل لبقية المحافظات) مع الزبون وتجنب الوعود الزائدة او ابلاغ الزبون بوصول المنتج خلال يوم مثلا لان ممكن الطلب يتاخر على الزبون اكثر من يوم بسبب ظروف الطريق، وهذا الشي يؤدي إلى تجربة سيئة لدى الزبون.
• الاهتمام بخصائص المنتج وكيفية استخدامه أو تركيبه، تكدرون تجارنا تعتمدون على تفاصيل وصف المنتج داخل التطبيق والفيديو الخاص بالمنتج حتى يكدر يساعد الزبون بهذا الشي وايضا ممكن يبحث عن المنتج على كوكل ويوتيوب إذا احتاج معلومات اكثر عن المنتج حتى يساعد الزبون لان أحيانًا يرفض الزبائن المنتجات او يرجعوها لأنهم ما كدروا يعرفون شلون يركبوها بشكل صحيح. على سبيل المثال، معصارة الفواكه البطيئة تحتاج لتركيب دقيق لكي تعمل، يجب مشاركة هذه المعلومات مسبقًا مع الزبون حتى يتوقع هذا الشي.
• مشاركة صور وفيديوهات واضحة جداً للمنتج مع الزبون، تظهر وظائف ومميزات المنتج والحجم وكيفية الاستخدام وأسباب الحاجة لهذا المنتج.
• احيانًا تأتي بعض الطلبات الوهمية من تيك توك، لذا يجب تأكيد الطلبات اللي تجي عن طريق تيك توك من خلال الاتصال بالزبائن بعد تثبيت الطلب.
• المتابعة على المحاولات الفاشلة، في كانت حالة الطلب بالتطبيق تشير الى محاولة تسليم فاشلة  هذا يعني أن مندوب التوصيل حاول يتصل بالزبون بدون جدوى لذلك ممكن تتواصل مع الزبون وتتاكد من السبب واذا يرغب باستلام الطلب من جديد او لا وفي حال رغب الزبون باستلام المنتج مرة أخرى تكدر تسوي اعادة ارسال للطلب داخل التطبيق مباشرة أو من خلال التواصل مع فريق خدمة التجار من واجهة حسابي داخل التطبيق.
• بيع المنتج بأسعار منخفضة لا يعني تحقيق نسبة وصول عالية للمنتجات، وأحيانًا يؤدي إلى شك الزبون بجودة المنتج، لذا يجب بيعه بسعر معقول مع إظهار المنتج بطريقة جيدة لان التصميم والفيديوهات مهمان جدًأ في هذا الجانب وتكدر تطلع على الكثير من المواضيع اللي تساعدك في تحسين التصميم وصناعة المحتوى على دليل التاجر من فدشي.
• إستخدام فيديوهات للمنتج نفسه، أحيانًا يستخدم التجار فيديوهات أو صور لمنتجات مشابهة، لذا يجب توخي الحذر واستخدام صور وفيديوهات للمنتج الفعلي نفسه أو صور فدشي المتاحة داخل التطبيق.
• التأكد من مشاركة سياسة الإرجاع اللي تتيح للزبون فحص وتجربة المنتج لمدة أسبوع وتجنب تشجيع الفحص عند الاستلام للمنتج، لأن بعض المنتجات تحتاج لتركيب دقيق؛ فالفحص الفوري قد يجعل الزبون يتردد ويرجع الطلب.