تكبير الحملات الاعلانية
ليش أكبر الحملة الإعلانية؟
من المهم ان اكبر الحملة الاعلانية بعد ما تأكدت المنتج رابح والحملة ناجحة وعائد الانفاق هو جيد بالنسبة اللي
بس ليش هذا الشي مهم لان كلما اني اكبر الحملة الاعلانية راح اوصل لجمهور أكبر واحصل تفاعل ورسائل اكثر وراح يقل سعر الرسالة عليه وبالنهاية راح تجيني طلباتك اكثر وارباحي تزيد اكثر.
زين هسة السؤال هو شلون تسوي تكبير للحملات الإعلانية؟ بالبداية لازم نعرف اكو نوعين من الـ Scaling
1. Vertical scale (العمودي):هي استراتيجية يمكن من خلالها زيادة ميزانية الحملة الإعلانية وبطريقتين:
- “ميزانية الحملة كلها”: يقصد بها زيادة الميزانية الاجمالية بنسبة (25%-%30) كل من (5 لـ 7) ايام
- “الميزانية اليومية”: يقصد بها زيادة الميزانية اليومية بنسبة (10%-30%) كل من (3 لـ 5) ايام
وهسة راح نتابع خطوة بخطوة شلون نسوي Vertical scale من مدير الإعلانات
مهم جداً احنا ما نروح مباشرة ونعدل على الحملة الاعلانية التجريبية ونزيد الميزانية لان الحملة الاعلانية التجريبية هي بمثابة الكنز اللي لكينا فلا تغير اي شي بيها بس راح ناخذ اعداداتها ونطبقها على حملة إعلانية أكبر
وحتى نسوي هذا شي نروح على المجموعة الاعلانية للحملة التجريبية اللي ناجحة عدنا وعلى سبيل المثال عندي حملة تجريبية ناجحة واريد أكبرها فراح احددها واروح على المجموعة الاعلانية واحدد المجموعة الاعلانية واضغط تكرار.
وراح نختار حملة اعلانية جديدة ونسمي الحملة الاعلانية الجديدة ونضغط تكرار وهنا مدير الإعلانات راح يكرر المجموعة الاعلانية للحملة التجريبية بحملة إعلانية جديدة.
وحتى ما نغلط نخرج من هذه الواجهة ونروح لواجهة الحملات الاعلانية الرئيسية بمدير الاعلانات وراح نشوف الحملة الإعلانية الجديدة اللي سميناها ونضغط عليها تعديل.
وبما ان احنا نريد نسوي Vertical scale فراح اروح على ميزانية الحملة وعلى سبيل المثال هي 20$ اسويها 25% واظل ازيدها كل 3 الى 5 ايام بنسبة 10 – 30%.
Horizontal scale .2 (الأفقي): هي استراتيجية تشمل أكثر من نوع:
- Audience (الجمهور): هي خاصية توسعة نطاق الجمهور اللي يريد التاجر الوصول له من خلال الاعلان.
- Creative (التصاميم والمحتوى): من خلاله ممكن تغيير نص وصورة الاعلان او عمل اعلان جديد (بدون توسعة النطاق).
وحتى نسوي Horizontal scale ونختار مثلاً نوسع الجمهور مالتنا راح نسوي نفس الخطوات اللي سويناها ب
Vertical scale بس ما راح نغير الميزانية راح نغير الجمهور ونضغط عليه تعديل اول شي نسوي نغير اسم الجمهور
واهم شي تنتبه متسوي تحديث لان بالنهاية راح نحفظه كجمهور جديد.
نضغط على انشاء جمهور جديد ونختار جمهور مخصص ونحدد صفحة الفيسبوك ونضغط التالي وهنا راح ننشئ جمهور مخصص من صفحة الفيسبوك ونختار الصفحة مالتنا ونختار الحسابات اللي تفاعلت مع اي منشور او اي اعلان ونحدد الوقت على سبيل المثال اني اختاريت آخر 30 يوم.
ونضغط على تضمين المزيد من الاشخاص واختار الحسابات اللي قامت بالنقر على زر اتخاذ اجراء يعني اللي حجوا ويانا آخر 30 يوم.
بعدها نسمي الجمهور مالتنا ونضغط إنشاء جمهور نختار جمهور مشابه ونحدد الموقع مالتنا اللي هو العراق ونحدد بنسبة 2% وآخر شي نضغط انشاء جمهور ونحفظه كجمهور جديد وبهذه الحالة احنا وسعنا الاعلان مالتنا بشكل أكبر على اساس اللي تفاعلوا ويانا بالحملة الاعلانية التجريبية.
اما اذا تريد توسع الاعلان مالتك بس ما تريد تكبر الجمهور مثل ما كلنا تكدر تزيد الميزانية وايضاً تزيد الاعلانات وهذا الشي راح يخلي اكثر من اعلان يظهر عندك داخل نفس المجموعة الإعلانية.
وتكدر تسوي هذا الشي من خلال تكرار الإعلان وتختار اعلان مختلف عن الاعلان الاول بس انتبه الاعلانات هنا ممكن تتنافس ويصير تداخل بالجمهور بين الإعلانين لذلك يفضل انت تخلي كل اعلان واحد داخل مجموعة اعلانية.
