نشرة فدشي الأسبوعية
10 تشرين الأول 2024
تعالوا تجارنا نشوف شنو الجديد هذا الأسبوع في نشرة فدشي الاسبوعية واللي هي عبارة عن صفحة راح تخليكم على اطلاع ومعرفة بكل شي جديد يصير عندنا وهذه النشرة راح تكون مستمرة كل أسبوع على دليل التاجر وعلى تطبيق فدشي، تابعونا دائمًا حتى ما يفوتكم شي.
شنو صار خلال الأسبوع الماضي؟
مسابقة مجموعة تجار فدشي: مسابقة مجموعة تجار فدشي على الفيسبوك انطلقت تجارنا وتشمل فقط التجار المنضمين لمجموعتنا على الفيسبوك واللي ملؤوا الاستمارة الخاصة بالتسجيل لهذه المسابقة اللي راح تشمل الطلبات المثبتة من انطلاق المسابقة يوم 9-10 الى نهاية يوم 16-10 من هذا الشهر باستخدام الرمز اللي راح يوصلكم عند انطلاق المسابقة وتكون هذه الطلبات واصلة وغير راجعة وبشرط عدم مشاركة محفظة زين كاش مع تاجر ثاني، الجوائز تكون أرباح إضافية بشكل رموز خصم حسب عدد الطلبات المشمولة للفائزين وكالاتي:
حقق 5 طلبات واربح 2000 أرباح إضافية لـ 5 طلبات
حقق 10 طلبات واربح 2000 أرباح إضافية لـ 10 طلبات
حقق 20 طلب واربح 2000 أرباح إضافية لـ 20 طلبات
حقق 30 طلب واربح 2000 أرباح إضافية لـ 30 طلبات
منتجات جديدة: فريقنا التجاري يحرص دائما على توفير اكبر كمية من المنتجات الجديدة كل أسبوع وخلال الأسبوع الماضي فريقنا كدر يرفع الكم ما يقارب من 30 منتج جديد على التطبيق من ضمنها كرة سلة + هدف تدريب للاطفال ودرون كاميرا صغير وسلة ملابس ايضًا والعديد من المنتجات الشتوية واللي راح تحبوها. يلة تاجرنا ادخلوا على التطبيق وشوفوا شنو الجديد.
نشاطات فدشي: فريق فدشي ختم هذا الأسبوع بزيارة للمتحف الوطني العراقي واللي يعد واحد من أقدم وأهم المتاحف في العالم، ويقع في العاصمة العراقية بغداد. تأسس في عام 1926 على يد الباحثة والآثارية البريطانية غيرترود بيل اللي كانت لها دور كبير في اكتشاف وتوثيق التراث الأثري في العراق. المتحف يحتوي على مجموعة واسعة ومتنوعة من القطع الأثرية التي تعود إلى حقب تاريخية مختلفة، منها الحضارات السومرية، والبابلية، والأشورية، والإسلامية، اطلع فريق فدشي من خلال هذه الرحلة على هذه التفاصيل التاريخية والتراثية للعراق وكانت رحلة ممتعة جدًا استجمع فريقنا نشاطه بيها وصاروا مستعدين للاسبوع الجديد بحماس.
تخصيص الإشعارات: شلون اخصص الاشعارات اللي توصلني على التطبيق؟ من ضمن تحديثات تطبيق فدشي الاخيرة هي امكانية تخصيص الإشعارات اللي توصلك على التطبيق، هسة صرت تكدر تاجرنا تختار نوع الإشعارات اللي تحب توصلك على تطبيق فدشي من خلال الخطوات المذكورة في هذه المقالة.
