شلون نستعمل القوالب الجاهزة بتطبيق Canva؟
من أهم مميزات تطبيق Canva هي وجود قوالب جاهزة متنوعة قابلة للاستخدام لمختلف أنواع المحتوى البصري. أكو قالب لكلشي نحتاجه من الشعارات للمطبوعات والاعلانات، كل اللي علينا ان نختار القالب ونخصصه بطريقة تناسبنا.
بواجهة القوالب نشوف عدد كبير من المواضيع وعدد أكبر من القوالب الخاصة بيها، قد تكون عملية إيجاد قالب مناسب صعبة للكثرة والتنوع الموجود، لذلك نكدر نفلتر ونبحث ونحدد شنو اللي نحتاجه حتى نختصر الوقت ونسهل عملية الاختيار.
نكدر نبحث بصورة مباشرة عن القالب اللي نريده، وبعدها نفلتر نتائج البحث حسب الفئة، النمط، التنسيق، أو الميزة.
أو من أسفل حقل البحث نضغط على “كل القوالب” ونكدر نشوف جميع الفئات وتقسيماتها، نختار الفئة اللي نريدها حتى تظهرلنا كل القوالب بهذه الفئة.
بعد ما نختار القالب، من الضروري نخصصه ونغير بيه حتى يكون مميز أكثر ويناسب علامتنا التجارية. نتأكد نضيف الألوان والعناصر الخاصة بينا، نكتب أسم مشروعنا بمكانه المناسب ونضيف عليه لمساتنا الخاصة.
