كيفية كتابة محتوى إعلاني:
خطوات كتابة المحتوى الاعلاني:
- اعرف الزبون: قبل كتابة الاعلان اسأل نفسك مجموعة اسئلة على سبيل المثال (شنو هي المشاكل اللي يعاني منها الزبون واللي تدفعه لشراء المنتج او شنو يحب، شنو عمر الزبون المستهدف، شنو اللغة اللي يحب أن يتلقى بيها الإعلان وشنو اللهجة هل هي عامية أم فصيحة).
- تحديد نقاط القوة لديك: تحديد نقاط التميز للمنتج اللي تقدمه لذلك مهم يكون عندك المعرفة الكافية بالمنتج حتى تقوم بتقديمه بأفضل ما يمكن كذلك تكدر تستخدم نقاط القوة المتوفرة بمتجرك مثل سياسة الاستبدال والارجاع اللي يوفرها فدشي أو سياسة الضمان الموجودة على بعض المنتجات واللي ما تكون متوفرة عند منافسين آخرين مما يزيد من قيمة وسعر المنتج فهذه نقطة تكدر تطرحها على الزبون واستراتيجية لإقناعه بالمنتج لأنها تزيد من رغبته بالشراء لكن من المهم عرض هذه الميزات بطريقة نفعية للزبون وليس كميزة فقط، على سبيل المثال (غسول للبشرة بيه مكونات معينة وضح لكل مكون فائدته على بشرة الزبون وليس فقط تعداد المكونات بدون اظهار منفعتها).
- تحديد مرحلة الزبون: يوجد مراحل متتابعة يمر بيها الزبون أثناء عملية الشراء وبعد عملية الشراء، معرفة التاجر بهذه المراحل راح تنطيه أفكار متجددة لأنواع مختلفة من الزبائن إضافة للتأثير الفعال في حملات إعادة الاستهداف:
- مرحلة الوعي: بهذه المرحلة يكون الزبون محتاج يعرف عن معلومات متجرك بشكل عام وشلون يستفاد منه.
- مرحلة الاهتمام: يبدأ بيها الزبون بالاهتمام بالمتجر او المنتجات الموجودة بيه.
- مرحلة الاعتبار: الزبون يوصل لمرحلة أكبر من الاهتمام واحتياجه للمنتجات الموجودة في المتجر.
- مرحلة التقييم: الزبون يقيم فيها البدائل المتاحة للمتجر والمنتجات.
- مرحلة القرار: يأخذ فيها الزبون قرار الشراء.
- مرحلة الشراء وتقييم تجربة الشراء.
- مرحلة إعادة الشراء.
- مرحلة تكوين الولاء للمتجر.
- مرحلة نصيحة الآخرين بتجربة المتجر والمنتجات.
قبل كتابة المنشور يفضل معرفة التوجه والاستهداف لأي زبون وفي أي مرحلة هو وبعدها تحدد الصيغة المناسبة له.
- مكونات المنشور: يتكون من ثلاث اجزاء اساسية:
- العبارة اللي تجذب انتباه الزبون بحيث توقفه عن التصفح مثل سؤال أو جملة لوصف المشكلة اللي تواجه الزبون يُفضل أن تكون الجملة عبارة عن سؤال او نسبة مئوية او رقم على سبيل المثال (25% من الأشخاص يعانون من..، 250 شخص حول العالم يعاني من..، هل تواجه مشكلة في..).
- القيمة: يجب ان تصاغ بشكل منافع وليس فقط سرد للمميزات بل ربطها بالمنافع المباشرة اللي راح تعود على الزبون كما ذكرنا سابقًا في النقطة 2.
- توجيه الزبون لأخذ الفعل: مثل ارسال رسالة او زيارة المتجر او كتابة تعليق وتفاعل منه على المتجر ويُفضل ان يكون الفعل واحد على المنشور حتى ما يصير تشتيت للزبون.
